Tram a Funiculaire Bewährungsprouf bestanen

No de Feierlechkeeten um Sonndeg haten Tram a Funiculaire hir Bewährungsprouf op engem normale Schaffdag. Luxtram zitt en zefriddene Bilan. D'Passagéier a Richtung Kierchbierg spueren elo vill Zäit.

Maurice Molitor / ys

um Arrêt bei der Rouder Bréck
Um Arrêt bei der Rouder Bréck

No de Feierlechkeeten um Sonndeg, haten Tram a Funiculaire hir Bewährungsprouf op engem normale Schaffdag. Luxtram zitt en zefriddene Bilan: Deen éischte Tram wier pénktlech op d'Minutt um 4 Auer 42 aus dem Schapp gefuer, an hätt och - wéi ugekënnegt - um 5 op 5 déi éischt Leit bei der Rouder Bréck opgelueden. Op deenen zwou Extremitéite vun der Streck wiere vill Leit an den Tram geklommen. E klenge Problem gëtt et nach mat der Annonce vun de Statiounen am Tram, mä dee soll bis en Dënschdeg behuewe sinn, sot eis d'Pressespriecherin vu Luxtram.

Passagéier am Funiculaire

An de Funiculare? 40 Minutte bis eng Stonn géif hie viraussiichtlech am Dag spueren, seet ee Pendler vun Dikrech. Moies an owes all Kéier 20 bis 30 Minutten. "Fir mech bleift alles d'selwecht", erkläert ee Passagéier vu Rodange. Hie misst just net méi an dee volle Bus klammen.

Hie kéim vun Hagondange a géif elo mol testen, seet en aneren Här. "Ech gewannen 20 bis 25 Minutten", erkläert ee Wëltzer. Den Tram géif hien awer net huelen. Seng Aarbechtsplaz wier direkt niewent der Gare um Kierchbierg. Si kéint eréischt méi spéit aschätzen, ob si wierklech Zäit gewënnt, seet eng Passagéierin. Fir d'éischt misst si mol hire Wee fannen. "Ech sinn awer immens frou, datt den Tram endlech fiert."

Am Funiculaire

"Et ass spannend", seet eng Dame aus Däitschland. Wéinstens eng véierel Stonn géif si spueren. Et wier praktesch, well een net méi de Bus fir op de Kierchbierg misst huelen, seet e jonke Passagéier vu Miersch. Dee géif ëmmer 30 bis 40 Minutte brauchen. Op d'mannst eng hallef Stonn géif si spueren, well si net méi duerch d'Stad misst fueren, seet och eng Dame aus Frankräich.

Méi zum Thema

D'Wäschanlag vum Tram
Verkéier

Vun dësem Sonndeg un transportéiert den Tram Passagéier vun der Luxexpo bis bei d'Rout Bréck. Am neien Transportmëttel stécht vill Technik. Am Tramsschapp gëtt sech dorëms gekëmmert.

Luxtram
Tram

40 Joer nodeems dee leschten Tram gefuer ass, fiert en elo geschwënn nees duerch d'Haaptstad. Wéi ass den Tramsprojet aus urbanistescher a landesplanerescher Perspektiv ze beuerteelen?

Heiner Monheim
Verkéier

Lëtzebuerg huet ee Verkéiersproblem, seet den däitsche Verkéierswëssenschaftler Heiner Monheim. Et misst ee vum Auto ewech kommen. Eng méiglech Léisung gesäit hien an engem Tram-Train.

Programm

Net verpassen

  • Annonce: Recherche d'un chef de la programmation

    Gebai vum radio 100,7

    L'Etablissement de Radiodiffusion Socioculturelle, opérateur de la radio de service public radio 100,7, recherche 1 chef de la programmation (m/f) pour contrat à durée indéterminée et à temps plein.

Dossieren

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen