Bei de meeschte Servicer bleift alles beim Alen, mat e puer Ausnahmen: De Syprolux verléiert beim CFL-Bus-Personal d'Majoritéit un de Landesverband. Bei der Maintenance si béid Gewerkschaften elo d'selwecht staark, de Landesverband ass also net méi majoritär.
De Syprolux ass bei dëse Sozialwahlen net méi am Cargo-Beräich (CFL Cargo & CFL Cargo Salariés) ugetrueden, amplaz huet den LCGB hei eng éischte Kéier Kandidaten an d'Renne geschéckt. Duerch déi nei Konkurrenz gouf de Landesverband liicht geschwächt: 2013 hat de Landesverband all d'Poste bis op ee krut. Elo ginn der aacht un de Landesverband an zwee un den LCGB.
