Gesondheetssecteur Asaz vu Schnelltester imminent

Den Asaz vu Corona-Schnelltester hei am Land soll fir "ganz vill méi Flexibilitéit" an den nächste Wochen a Méint bréngen: dat huet d'Gesondheetsministerin Paulette Lenert ugekënnegt, an der Chamber-Debatt gëschter. D'LSAP-Politikerin huet sech zefridde gewisen, datt d'Schnelltester endlech d'CE-Kennzeechnung kritt hunn, a se elo an Europa am Asaz sinn.

Serge Kesseler / cz

Schnelltest Covid-19
Foto: Bigstock / Amaviael

De Bäitrag vum Serge Kesseler lauschteren


Fir festzeleeë wéi d'Corona-Schnelltester hei am Land sollen agesat ginn, hätt si gëschter eng Recommandatioun vun der Santés-Direktioun kritt, esou d'Ministerin Paulette Lenert. D'Lëtzebuerger Approche géif sech un där Schwäizer orientéieren, dat heescht datt dës Schnelltester haaptsächlech bei symptomatesche Patienten agesat solle ginn.

Donieft sollen d'Schnelltester hei am Land awer och generell an de Klinicken an Altersheemer zum Asaz kommen. "Quitt, dass wann e positiv getest gëtt, dass mer dat nach eng Kéier crosschecke mat engem PCR-Test", sou d'Gesondheetsministesch.

Pompjeeën an Apdikter sollen an Test-Laboen aushëllefen

Wat déi momentan Enkpäss an de Test-Laboen ugeet, sou wieren déi op d'Personalknappheet zréckzeféieren, huet d'Ministerin gëschter an der Chamber erkläert.

"Fir genau ze sinn, et sinn d'Preleveuren, déi eis feelen: do si mer op kompletter Capacitéit de Moment. Mir wäerten nieft deene Beruffer, déi mer elo schonn ausgewisen hunn, déi dësen Akt normalerweis net maachen, déi mer habilitéiert hunn, och nach anerer muer ausweisen, mat engem Projet, deen an der Regierung wäert presentéiert ginn."

Et géif dorëm goen z.B. Pompjeeën oder Apdikter duerch eng Zousazausbildung esouwäit ze kréien, datt si eng eng Hand kéinte mat upaken. Wa méi Personal zur Verfügung stinn, da solle weider Teststatiounen opgemaach ginn, preziséiert d'Gesondheetsministerin präziséiert.

Méi zum Thema

Covid-Test
Covid-19

Wéinst de villen Ufroe fir e Corona-Test mécht de Staatslabo en neien Test-Zenter um Kierchbierg op. Vu muer 12 Auer u kann ee sech mat enger Ordonnance am ale Gebai un der BNL teste loossen.

Paulette Lenert, ministre de la Protection des consommateurs, ministre de la Santé
Phas 2 vum Large Scale Testing

Wéinst der Corona-Pandemie wäert virun am grousse Stil getest ginn. D'Ministerin Paulette Lenert huet de Moien am Gesondheetsministère Detailer zur Suite vun der Test-Strategie presentéiert.

Programm

Net verpassen

  • Am Gespréich: Chaild

    Chaild

    De Kënschtler iwwer säi Coming-out, seng Musekspläng a seng perséinlech Approche zur artistescher Kreatioun.

Dossieren

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen