Corona-Pandemie Apdikten: "Et ass genuch Paracetamol do"

Och d'Apdikte rechnen mat finanziellen Abousse wéinst den aktuelle Confinements-Mesuren, seet den Alain de Bourcy. No engem groussen Undrang virun zwou Woche wier d'Zuel vun de Clienten an de leschten Deeg staark zeréckgaangen, esou de President vum Apdiktersyndikat.

Rick Mertens (Interview) / Claude Biver (Web)

Alain de Bourcy

Viru villen Apdikte stinn d'Leit am Moment Schlaang. Dat läit net drun, datt d'Apdikte vill méi Clienten hu wéi soss, mee et läit drun, datt vill Apdikte keng Clientë méi an d'Geschäft eraloossen. Et wëllt ee verhënneren, datt hir Mataarbechter sech mam Coronavirus infizéieren. Den Ëmsaz wier an de leschten Deeg awer däitlech zeréckgaangen, esou de President vum Apdiktersyndikat.

Den Alain de Bourcy rechent och domat, datt dat an den nächste Wochen esou bleift. Hie betount, den Apdikte géif et net vill anescht goen, wéi anere klengen a mëttelgrousse Betriber. Och si misste sech Gedanke maachen, wéi si hir Paien nach bezuelt kréien, wann de Confinement laang unhält. An de leschten dräi Deeg hätt den Ëmsaz sech duerch dräi gedeelt.

Keng Liwwerengpäss

Den Alain de Bourcy betount, et wier net mat Liwwerengpäss beim Paracetamol ze rechnen. Et géife verschidden Zorte vum Medikament ginn: 500 Milligramm, 1.000 Milligramm oder och Brausetabletten. "Bis eis déi lescht Tablett Paracetamol aus den Hänn geet, dauert nach ee Streech, egal, wéi vill datt d'Leit kafen."

Et géif also kee Grond fir Hamsterkeef ginn, ënnersträicht den Alain de Bourcy.

Medikamenter liwweren

An den Apdikte gouf et bis elo just vereenzelt Ausfäll beim Personal, well Leit wéinst Kontakt mam Coronavirus hu missen ënner Quarantän gesat ginn. Den Alain de Bourcy seet d'Apdikten hätten am Moment genuch Schutzmaske fir d'Personal virun enger Infektioun ze protegéieren.

Et géif och un enger Léisung geschafft gi fir Covid-19-Patiente mat Medikamenter ze versuergen, ouni datt si mussen an d'Apdikt kommen: de Staat kéint den Apdikte Personal zur Verfügung stellen, entweder aus der Arméi oder vun anere Strukturen.

"Déi kéinte bei eis Saache siche kommen an da bei d'Leit heemféieren. Well wa mir ee Covid-19-Kranken an d'Apdikt eraloossen, dann ass et am Moment nach esou, datt d'Apdikt da misst ënner Quarantän gesat ginn. An domat wier da kengem gehollef, just deem enge Covid-19-Kranken, dee seng Medikamenter krut."

An der Mediathéik:

Invité vum Dag / / radio 100,7
Lauschteren

Méi zum Thema

Marc Simon a Monique Birkel
Coronavirus

D'Spideeler stelle sech op eng staark Hausse vun de Covid-Patienten an. Schonn elo huet sech den Alldag hei komplett verännert, erklären d'Monique Birkel, de Pol Wio, den Emile Bock an de Marc Simon.

Paulette Lenert, ministre de la Santé
Corona-Pandemie

D'Maisons médicales ginn an Zentere fir Soins avancés ëmgewandelt a kommen op nei Plazen: op d'Luxexpo, an d'Rockhal an an d'Däichhal zu Ettelbréck. Fir den Oste wier Gréiwemaacher am Gespréich.

Anne-Marie Hanff
Testen

D'Anne-Marie Hanff ass ausgebilten Infirmière a si huet sech fräiwëlleg gemellt, fir an den neie Maisons médicales ze schaffen. Ronn fënnef Leit maachen an hirem Zentrum Tester op de Coronavirus.

Provisorescht Corona-Spidol beim CHL
Coronavirus

Um Site vum Stater Centre Hospitalier gëtt elo ee provisorescht Zelt opgeriicht, mat Plaz fir 100 Better, wou Patienten och kënne beotemt ginn. Dëst a Kooperatioun mat der NATO-Agence NSPA, déi hire Sëtz hei am Land huet.

Programm

  • Notturno

  • On air

    Vu 6 bis 10

  • Vun 10 bis 2

  • Vun 10 bis 2

  • Resonanzen

Net verpassen

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen