Klima Andrew Ferrone: "Bis elo een dréchent Joer"

Déi zwee éischt Fréijoersméint waren am Verglach zur Moyenne méi dréchen, seet den Andrew Ferrone, Chef vum Meteo-Service am Landwirtschaftsministère. De Manktem u Reen kéint Problemer mat sech bréngen.

Vesna Andonović / cbi

Andrew Ferrone
Den Andrew Ferrone ass Meteorolog a vertrëtt Lëtzebuerg am Weltklimarot. Foto: Archiv

Lauschteren


Virun allem am Beräich vun der Landwirtschaft kann ze mann Reen längerfristeg Problemer schafen, seet de Meteorolog Andrew Ferrone. Beispillsweis géif d'Gras net genuch wuessen an de Schnatt vu Bauere géif deemno net sou gutt ausfalen.

"Dat féiert dann dozou, datt se hire Späicher net kënnen opfëllen an doduerch da musse Fuddermëttel bäikafe fir iwwer d'Wanterméint ze kommen."

D'Méint Mäerz an Abrëll si mat Ausnam vun der Muselgéigend iwwer d'ganz Land gekuckt ze dréche gewiescht, och wann et nach keng "extraordinär Situatioun" wier, seet den Andrew Ferrone.

Manner Reen, Temperature ginn an d'Luucht

An der Stad Lëtzebuerg ass ronn en Drëttel manner Ree gefall, am Norde vum Land bis zu 50 Prozent manner. Dat wier awer keen neie Phänomen, well d'meteorologescht Fréijoer zu Lëtzebuerg statistesch gesinn déi lescht 60 Joer méi dréche gi wier.

D'Temperature wieren an där Zäit och "signifikativ" ëm 1,6 Grad Celsius an d'Luucht gaangen, seet den Andrew Ferrone.

Ee Lien mam Klimawandel

Fir de Meteorolog a Lëtzebuerger Vertrieder am Weltklimarot hänkt dës Evolutioun och ganz kloer mam Klimawandel zesummen.

Momentan wier et ze fréi fir ze soen, ob d'Joer ze dréche géif ausfalen, mengt de Meteorolog Andrew Ferrone. Sécher wier awer, datt d'Phänomeen "Dréchent" eis och an de nächste Jore wäert weider begleeden.

Méi zum Thema

Xavier Bettel um Klima-Biergerrot
Klimapolitik

De Klima-Biergerrot koum haut eng éischte Kéier zesummen. Beim Start huet de Premier Xavier Bettel ënnerstrach, datt d'Regierung sech aus den Diskussioune komplett wäert eraushalen.

Christian Wester
Landwirtschaft

Wéinst der Dréchent gëtt et fir d'Baueren ëmmer méi schwiereg hiert Véi ze fidderen. Et ass net genuch gewuess a fir de Christian Wester gëtt et ëmmer méi schwéier, d'Kéi op sengem Betrib ze fidderen.

Net verpassen

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen