Krich an der Ukrain Amnesty kritiséiert ukrainesch Krichs-Taktiken
Ukrainesch Offizieller sinn net frou mam Bericht vun Amnesty International, deen d'Taktike vun der Ukrain am Krich mat Russland kritiséiert. D'Mënscherechtsorganisatioun seet datt d'ukrainesch Arméi Zivilisten an hirem eegene Land a Gefor setzt.
D'Konklusioune vun Amnesty Bericht sinn datt d'ukrainesch Arméi sech a Schoulen, Apartmentsgebaier, an och Spideeler verschanzt a vun do och Ugrëff start. D'Mënscherechtsorganisatioun seet datt esou Taktiken an 19 Stied an Dierfer benotzt goufen.
Journaliste vun der Noriichtenagence AP hunn änlech Zeene gesi wéi déi déi beschriwwe ginn.
Amnesty seet awer och datt esou Taktiken op kee Fall russesch Ugrëff op Ziviliste justifiéiert. Déi beschreift d'ONG als Krichsverbriechen.
Ukrainesch Reaktiounen op de Bericht
Ukrainesch Offizieller sinn net frou mam Bericht vun Amnesty International. Den Ausseminister Dmytro Kuleba seet d'Aschätzunge wieren onfair a géifen eng falsch Equivalenz schafen tëschent engem Kriminellen an engem Affer, tëschent Russland an der Ukrain.
Dem ukrainesche President Wolodymyr Selenskyj sengem enkste Beroder no ass de Bericht en Deel vun enger Desinformatiouns- a Propaganda-Campagne - de Bericht gëtt a ville russeschen a pro-russesche Medien zitéiert.
Méi zum Thema
Lëtzebuerg ënnerstëtzt d'Ukrain weider mat Waffen
D'Lëtzebuerger Parlament huet weider Waffe-Liwwerungen un d'Ukrain decidéiert. Dat ass een zentrale Punkt aus enger Chamber-Motioun, nodeems den ukrainesche President sech un d'Deputéiert geriicht hat.
De Krich an der Ukrain
De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.
