Gesellschaft Altersheemer: D'Ombudsmann fuerdert e Matsproocherecht
D'Ombudsman Claudia Monti fuerdert weider, datt si an Zukunft och ka Reclammatiounen aus Altersheemer kann entgéint huelen. Si hätt der Chamber eng entspriechend Propos gemaach, esou d'Claudia Monti.
Et géif hir drëms goen, datt d'Bewunner en Uspriechpartner hunn, wa se an enger problematescher Situatioun sinn. Et wier och wichteg de Leit d'Situatiounen ze erklären. Dacks géifen och Reklamatiounen erakommen, déi net fondéiert wieren. An deene Situatioune kéint een dann de Leit op mannst eng Erklärung ginn, wat fir vill Leit immens wichteg wier.
Claudia Monti betount, si wéilt sech net an d'Soinen amëschen, déi an Altersheemer ugebuede ginn. Mee et géif drëms goen, datt d'Bewunner a problematesche Situatiounen en Uspriechpartner. Am Ausland wär dat deelweis schonn de Fall, esou d'Ombudsman.
D'Claudia Monti huet dann och en Appell un de Jeannot Waringo geriicht, deen am Moment analyséiert, wéi et an den Altersheemer zu Infektiounskette konnt kommen.
"Den Här Waringo ass elo virun allem vu Wëssenschaftler encadréiert. Ech denken, e mécht bestëmmt eng gutt Aarbecht, mee ech hoffen, e vergësst dee mënschlechen Aspekt net. Well dat medezinescht ass eng Saach, mee dee psychologesche Volet, d'Santé mentale, ass extrem wichteg. An ech géif mer wënschen, datt se och op den Aspekt aginn."
An der Mediathéik:
LauschterenMéi zum Thema
Altersheemer: Ombudsman wëll un Enquête matschaffen
D'Ombudsman bedauert, datt d'Regierung den Expertegrupp scho laang net méi gehéiert huet, mat deem déi gesellschaftlech Auswierkunge vun der Pandemie reegelméisseg wollt analyséieren. Déi lescht Consultatioun wier ewell iwwer een halleft Joer hier.
De Gilbert Pregno fuerdert en Ëmdenken an Alters- a Fleegeheemer
De President vun der consultativer Mënscherechtskommissioun ass entsat, iwwer déi a sengen Aen exzessiv Restriktiounen zu deenen de Confinement a verschiddenen Alters- a Fleegeheemer geféiert huet.
