TICE Akzeptanz vum ëffentlechen Transport stäerken

D'Prioritéit vum neien TICE-President wier et d'Akzeptanz vum ëffentlechen Transport z'erhéijen. 2017 huet den TICE eng 10 Millioune Passagéier gezielt. Do géif et nach Sputt no Uewe ginn, sou de Pierre Mellina.

Carole Schimmer / cbi

Pierre Mellina
Pierre Mellina, Preisdent vum TICE

Een Defi, deen et ze meeschtere gëllt, ass dee vun der Zouverlässegkeet vum Transport. Well d'Buslinnen duerch déi verschidden Agglomeratioune féieren, feelt et dacks u Couloire feelen, déi fir de Bus kéinte reservéiert ginn. D'Busse wiere konfrontéiert mat de Verkéiersproblemer. Fir dee Problem ofzefiederen, informéiert d'Zentral d'Chaufferen, mä och d'Passagéier, esou de Pierre Mellina.

Superbus tëscht Déifferdeng a Péiteng

De Péitenger Buergermeeschter ënnerstëtzt iwwerdeems d'Iddi vum Superbus, sou wéi den Nohaltegkeetsminister François Bausch dat an Aussicht gestallt huet. Dee Superbus soll d'Uertschaften tëscht Déifferdeng an Diddeleng matenee verbannen. Och Péiteng misst bedéngt ginn, insistéiert de Pierre Mellina. De Superbus verbënnt déi verschidden Uertschaften a gesäit nëmme wéineg Arrête fir. E Retour vum Tram am Süde steet net op der Dagesuerdnung.

Erneierbar Energien

50 vun den 130 Busse vum TICE benotze Biogas vum Minett-Kompost. Domat hätt een déi maximal Kapassitéit am Beräich vum Biogas erreecht, sot de Pierre Mellina. An deem Fall misst een och d'Tankstatioun ausbauen, an dofir wier eng Commodo-Incommodo Prozedur néideg. Et gëtt elo no Alternative gesicht.

Eng Etüd hätt awer erginn, datt d'Hybridbussen net déi optimal Léisung géifen duerstellen. Allerdéngs géif een elo d'Iddi vun der Aféierung vun Elektro-Bussen ënnert d'Lupp huelen. Wéi déi Gefierer kënne séier opgeluede ginn, soll an enger Etude analyséiert ginn. Ee vun den technesche Problemer dee muss geléist ginn, ass de Fait datt d'Busse laang Strecke musse fueren. Ähnlech Problemer hätt et um Ufank mat de Gasbusse ginn. Déi Problemer wieren awer mat der Zäit duerch den technologesche Fortschrëtt geléist ginn, seet de Pierre Mellina.

An der Mediathéik:

Invité vum Dag / / Carole Schimmer
Lauschteren

Méi zum Thema

Mylène Bianchy
Ausbau vum Schinnennetz

D'Eisebunnergewerkschaft Syprolux begréisst déi massiv Investissementer an d'Schinn. Et wieren awer net genuch Leit do, fir all d'Projeten ze realiséieren, seet d'Presidentin Mylène Bianchy.

TICE-Bus.jpg
Ëffentlechen Transport

Den TICE léisst sech net vum OGBL an dem Landesverband erpressen. Déi soten, beim TICE géif et grave Problemer ginn. De President Henri Hinterscheid präziséiert Hannergrënn a gesäit sech net am Feeler.

Programm

  • Moies-Magazin

  • On air

    Noriichten

  • Iwwer Mëtteg

  • Resonanzen

  • Spektrum

Praktesch Infoen

  • Nei Serie: Wellbeing

    Wellbeing

    Bleift gesond a monter zesumme mam 100,7. An eiser neier Serie "Wellbeing" wëlle mir Iech an dësen Zäite mat wäertvollen Informatiounen a Rotschléi begleeden. 

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen