D'Claudia Monti seet, si géif sech deemnächst un d'Direktioun vum Zënter zu Dräibuer adresséiere fir gewuer ze ginn, ob hir Recommandatioune mëttlerweil ëmgesat goufen.
"Ech hoffen, datt et sech verbessert huet. Och wa mer elo nach kee Jugendstrofrecht hunn. Mir hunn awer Leit do, ëm déi mer eis musse këmmeren."
Claudia Monti: Zesumme mam Okaju eng Analys maachen
Normalerweis géif den Ombudsman een, zwee Joer no engem Rapport analyséieren, ob d'Recommandatiounen ëmgesat gi sinn, si fäert awer, datt "verschidde Saachen e bësse Retard kritt hunn".
"Mee, wat mer elo mam Okaju wäerte maachen, dat ass: Mir wäerte froen, datt se ons elo emol soen, wat bei hinnen um Terrain gemaach ginn ass - Preuve à l'appui."
