Seng nei Partei huet sech dozou elo nach net definitiv geäussert, wéilt awer d'Ierfschaftssteier, déi et schonn zu Lëtzebuerg gëtt obscho se net esou heescht, fir d'éischt emol ofschafen.
Et géif hei drëms goe fir Gerechtegkeet hierzestellen, tëscht deene Leit, déi am Fall vun enger Ierfschaft ënner Verkafszwang sinn - a beim Verkaf och op der Plus-Value besteiert ginn - an deene Leit, déi net direkt verkafe mussen an also steierfräi ierwen.
Immobiliekredit: Diskriminatioun vu Leit aus dem Privatsecteur ofschafen
Et kéint net sinn, datt Staatsbeamte méi liicht un en Immobiliëkredit komme wéi Leit, déi am Privatsecteur schaffen. Dofir wëll Fokus d'Banken iwwer Gesetz dozou zwéngen, där Diskriminatioun en Enn ze setzen.
"Et ass e fundamentaalt Recht vun all Mënsch, sech e Patrimoine opzebauen. Dat kënne mer net op eng Kategorie vu Leit limitéieren."
An deem selwechte Sënn soll de Banken och virgeschriwwe ginn, vu Clienten net méi wéi 75.000 Euro eegenen Apport däerfen ze froen, wa se eng Millioun geléint wëlle kréien.
