Si selwer huet e Grupp vun 21 Crèchen opgebaut a geréiert, dee se zejoert verkaaft huet, an ass elo Forain.
Profiller wéi hiert wäre rar geséint, an der Lëtzebuerger Politik an dat wier schued, sou d'Barbara Agostino.
"Well déi hu jo och eng reell Erfahrung vum Terrain. An dann hutt Der jo och ganz jonk Politiker, déi elo schonn an der Chamber setzen. Déi ni eppes anescht gemaach hunn wéi Politik. An ech weess net ob dat ëmmer sou genial ass."
Grouss politesch Ambitiounen
Mat hirer berufflecher Erfarung am Réck huet si decidéiert, sech richteg an d'Politik ze lancéieren. Mat groussen Ambitiounen: si wéilt gär Educatiounsminister ginn, hat d'Barbara Agostino dem Paperjam d'lescht Fréijoer an engem Interview verroden. Mat där Ausso huet de Maurice Molitor déi nei Deputéiert de Moien hei op Antenn confrontéiert.
"Elo soen ech et fir d'drëtt a fir d'lescht... De Paperjam huet mir eng ganz konkret Fro gestallt: Wat ass Ären Dram-Ministère? Doheem sinn ech geléiert ginn, d'Lat méiglechst héich ze leeën. An dat ass fir mécht Educatiounsminister."
