"Et héiert ee jo dauernd: Frieden schaffen ohne Waffen - an esou weider. Mee hannert deene Spréch ass awer eng gewësse Naivitéit. A leider och eng ganz grouss Onkenntnes. Wat wieren dann d'Konsequenzen, wa keng Waffe geliwwert ginn? D'Ukrain kéint sech net méi verdeedegen. Russland géif d'Ukrain a relativ kuerzer Zäit komplett anhuelen. Wat fir ee Grond hätt de Putin fir a Friddensverhandlungen anzeklammen? Dat ergëtt guer kee Sënn."
Et dierft een sech keng Illusiounen driwwer maachen, wat Russland an der Ukrain wëllt areechen. Eréischt virun e puer Deeg wier op der russescher Staatstelevisioun gesot ginn, datt d'Ukrain als Staat komplett misst liquidéiert ginn. "Dat wier dat eenzegt, wat der Ukrain kéint Fridde bréngen. Wat well een dann do maachen, wann ee keng Waffe méi liwwert? Da weess ee jo wat d'Resultat ass", sou den Daniel Porcedda.
