Seng eege Roll géif net där Muechtpositioun entspriechen, als déi se elo duergestallt gëtt, sou de Guy Daleiden am 100,7-Interview. Hien huet och huet och drop higewisen, datt eenzel Kriticke sech op Prozedure bezéien, déi scho geännert gi waren ier de Rechnungshaff mat senger Aarbecht ugefaangen huet. De Filmfong war nämlech schonn eemol auditéiert ginn, vun der Firma Value Associates. An där hir Recommandatioune vun 2018 wieren och ëmgesat ginn.
"D'Cour des Comptes huet d'Joren 2009 bis 2018 analyséiert. Mir sinn elo 2022. Säit 2018 sinn all déi Recommandatioune vu Value ëmgesat ginn."
Déi zousätzlech Recommandatioune wier een amgaangen am Verwaltungsrot ëmzesetzen, sou de Guy Daleiden.
Den Direkter vum Filmfong kéint net verstoen, firwat e System, dee gutt Resultater produzéiert, dee vum Secteur begréisst gëtt, an dee Lëtzebuerg international Unerkennung bréngt op eemol a Fro gestallt gëtt.
