D'Carole Reckinger geet dovun aus, datt den Undrang an den Epicerie Socialen an den nächste Méint nach weider wäert zouhuelen. Den Impakt vun der Covid-Pandemie wär bis ewell duerch staatlech Krisemesuren ofgefiedert ginn, esou d'Carole Reckinger. Déi Mesurë géifen awer net éiweg gräifen, a si géif fäerten datt, dat geschwënn en Impakt hätt, esou d'Carole Reckinger.
"Wann déi Hëllefen auslafen, an d'Leit hir Ressourcen opgebraucht hunn. Hir Erspuernisser opgebraucht hunn. Datt se dann iergendwann de Schrëtt musse maache bei den Office Social. Et si vill Leit, déi sech schummen an en Office Social ze goen, well se vläicht hiert ganz Liewe laang nach keng Hëllef ugefrot hunn. Dat ass e Prozess an den dauert."
D'Caritas preparéiert sech dofir am Moment logistesch drop fir méi Leit an den Epicerie Socialë kënnen ze versuergen, esou d'Carole Reckinger.