arrow_back_ios

100komma7.lu

100komma7.lu

/ 100 Neiinfektiounen, 9 nei Hospitalisatioune wéinst Covid-19

Zuele klammen

|
reading time

1 min

100 Neiinfektiounen, 9 nei Hospitalisatioune wéinst Covid-19

De Méindeg goufen zu Lëtzebuerg 100 Neiinfektiounen mam neiaartege Coronavirus festgestallt. Dat sinn esou vill Neiinfektiounen an engem Dag wéi net méi zënter Ufank Abrëll. 47 Persoune (3 op der Intensivstatioun) sinn zu Lëtzebuerg wéinst Covid-19 hospitaliséiert: Dat sinn der 9 méi wéi gëscht an 20 méi wéi virum Weekend. 11.280 Tester goufe gëschter am Ganzen duerchgefouert.

reading time

1 min

Den Direkter vun der Santé, den Dr. Jean-Claude Claude Schmit sot haut am 100komma7-Interview, et kéinte just maximal 100 Fäll den Dag retracéiert ginn. Doriwwer eraus missten zousätzlech Restriktiounen decidéiert ginn.

Zënter Nationalfeierdag gëtt et eng confirméiert Hausse vun de positiven Tester:
  • Woch vum 15. Juni: 52
  • Woch vum 21. Juni: 140
  • Woch vum 28. Juni: 289
  • Woch vum 5. Juli : 402
Zanter Mäerz goufen zu Lëtzebuerg ronn 293.000 Tester gemaach.
D'Zuelen, déi owes publizéiert ginn, bezéie sech ëmmer op den Dag virdrun (0-24 Auer).