Zanter datt d’Strooss vun Hormuz zou ass, schéissen d’Präisser fir Düngemëttel an d’Luucht: D’Baueren an Europa kréien d’Suitte vum Krich am Iran ganz konkret ze spieren. Si fuerdere méi Ënnerstëtzung vun der EU-Kommissioun. Déi awer reagéiert elo net direkt. Gëscht huet den zoustännegen EU - Kommissär fir d’Landwirtschaft, de Christophe Hansen, säin Aktiounsplang fir d’Düngemëttelen (dee scho méi laang geplangt war) presentéiert - Subside fir d’Bauere gehéieren do zwar dozou -si sollen awer réischt am Juni konkret op den Dësch geluecht ginn. Firwat net direkt a mat wat kënnen d’Bauere rechnen? Dat froe mir de Christophe Hansen am Interview.
An Zesummenaarbecht mat Euranet Plus, deem gréissten europäesche Radio-Reseau fir EU-Aktualitéit.
