Biotop
D'Virstellung vun der Administration de la nature et des forêts ANF
9 min
D’Naturverwaltung ass zanterjee an der Sensibiliséierung engagéiert. Et geet drëms engem breede Publikum d'Wäertschätzung vun der Natur an e bewossten Ëmgang mat den natierleche Ressourcen ze vermëttelen. Nieft dem Wëssen ëm d’Zesummenhäng an de Beräicher Biodiversitéit, Natur an Nohaltegkeet ass et wichteg och Weeër opzeweisen, wéi deen Eenzele selwer an deenen Theemen e positiven Impakt kann hunn.
D’Naturverwaltung bedreift dofir 5 Naturschuzzenteren am ganze Land. Déi ugebueden Aktivitéite riichte sech un all Altersgruppe vu Schoulen, iwwer Maison-relaise bis zu privaten oder beruffleche Gruppen.
De Schoulprogramm, de Joresprogramm mat den ëffentlechen Aktivitéiten esou wéi eng ganz Rei Léierpied fir ze entdecke fënnt een op www.nature.lu.
Als grouss Erausfuerderung an der Sensibiliséierung erweist sech d’Komplexitéit vun den Theemen an déi wäit verbreete romantesch Virstellungen iwwer eis Natur. Zanter Joerhonnerten hunn d’Aktivitéite vum Mënsch eis Natur grondleeënd verännert; Flëss goufe kanaliséiert, Fiichtgebidder dréche geluecht, eis Bëscher intensiv genotzt a grouss Raubdéieren hu mir och keng méi. Dobäi kommen och nach aner Aflëss wéi de Klimawandel an d’Verbreedung vun invasiven Aarten. Mir liewen also an enger vum Mënsch gepräägter Kulturlandschaft, déi och weiderhin den Agrëff vum Mënsch brauch, fir datt verschidden Aarten och nach ëmmer hir ökologesch Nisch fannen, oder et net zu engem groussen Ongläichgewiicht kënnt. Esou kann et also sinn, datt zum Beispill an engem Naturschutzgebitt och mat schwéiere Maschinne geschafft gëtt, Beem ëmgeluecht ginn oder Kéi, Schof a Geesse grasen. Well dat séier kann zu Mëssverständnisser féieren, ass et an esou Fäll ganz wichteg, datt d’Ëffentlechkeet esou Moossnamen och versteet an ënnerstëtzt.
Invité ass de Steve Jungen, Responsable de la cellule Sensibilisation et Coordinateur national des Centres nature et forêt. Service communication et sensibilisation
Presentéiert vum
- Angie Maquil
Episoden
Net alles wat quaakt ass e Fräsch
Jiddwereen huet scho mol e Fräsch gesinn, et gëtt awer och nach eng Rei aner Amphibien, déi manner bekannt sinn.
Hagebutte Superfood (garantiert ohne zu schälen),
Wer hat noch nicht das Wort Superfood gehört. Es gibt auch bei uns solche Vitaminbomben, und es geht auch ohne Exoten vom anderen Ende der Welt.
Eise Bësch
De Bësch ass gläichzäiteg Liewensraum, Klimaschützer, Rohstoffproduzent an Erhuelungsplaz. Säi Schutz a seng nohalteg Notzung si wesentlech fir seng wäertvoll Funktiounen och fir déi nächst Generatiounen ze sécheren.
Chicorée - Endives- Chicons: Ee Powergeméis mat verschiddenen Nimm
Fir déi Däitsch ass et Chicorée, fir d’Fransousen Endives a fir d’Lëtzebuerger an d’Belsch sinn et Chiconen. Et ass einfach dëst gesond Wantergeméis am eegene Gaart ze zillen a frësch Rezepter domadder ze zauberen.
Invasiv Neophyten - E Problem fir eis an d’Natur
Verschidden net einheimesch Planze kënne grousse Schued aneiser Natur uriichten. Dofir ass et wichteg, op déi Planzen am Gaart ze verzichten a sech fir einheimesch Alternativen ze entscheeden.
Naturerliefnisräim - eng gréng Oas fir all Alter
Wärend fréier d’Kanner op der Gewan gespillt hunn, verbrénge si haut déi meeschten Zäit an engem urbaniséierten Ëmfeld. Wat kann dat fir Problemer mat sech bréngen a wéi kënne Naturerliefnisräim eng Léisung sinn?
Bongerten - méi wéi nëmme Beem
Wousst Dir schonn, datt Bongerten d’Aartevillfalt fërderen an d’Klima schützen? Dës Kulturlandschafte bidde wäit méi wéi nëmme frëscht Uebst. Den Naturschutzzentrum A Wiewesch gëtt en Abléck.
Besser uséien oder léiwer fäerdege “Rollrase” leeën?
Wéi aarbechtsintensiv sinn déi zwou Varianten?
ReStruktur an nationalen Dag vum Bam
ReStruktur an den nationalen Dag vum Bam sinn zwee Projete mam Ziel d’ökologesch Strukturen an der Landschaft ze verbesseren.
Honnertjäreg a fit
Wéi Gaardenaarbecht an den eegenen Uebst- a Geméisubau dozou bäidroe kann
Landwirtschaft a Naturschutz, geet dat?
Eis oppe Kulturlandschaft ass eréischt duerch d’Aarbecht vum Mënsch entstanen, well hie säit Joerdausenden de Buedem urbar gemaach a Liewensmëttel produzéiert huet.
D'Virstellung vun der Administration de la nature et des forêts ANF
Et geet drëms engem breede Publikum d'Wäertschätzung vun der Natur an e bewossten Ëmgang mat den natierleche Ressourcen ze vermëttelen.
"Hondskéipercher” an der Natur
Hondskéip an hiren negativen Impakt op eis Ëmwelt, méi konkret op de Mënsch, aner Déieren an d’Natur
Aktioun Kaweechelchen
Kaweechelcher si leider ëmmer grousse Geforen am Stroosseverkéier ausgesat. Dofir huet natur&ëmwelt eng nei Aktioun an d’Liewe geruff.
Den Distelfalter - e Päiperlek op Rekord-Wanderung
Déi faszinant Geschicht vum Päiperlek a firwat mir e schütze mussen.
Nohaltegkeet am Gaart
Ausser op Pestizide verzichte gëtt et nach vill Méiglechkeeten nohalteg am eegene Gaart ze schaffen.
Päiperleksmonitoring an Insektesummer
Insekte spillen an eisem Ökosystem eng wichteg Roll, allerdéngs wësse mir ëmmer nach net genuch iwwer dës Déieregrupp. De Monitoring soll dat änneren.
Wäibau an Naturschutz
Firwat sinn déi traditionell Wéngertsstrukturen net nëmme fir d’Wäiproduktioun wichteg, a wat kënnen d’Wënzer fir d’Bestëbser maachen? Firwat ass Villfalt wichteg fir d’Resilienz vun de Wéngerten?
Gedankefloss: Philosophéieren iwwer Ëmwelttheemen
De Projet "Gedankefloss“ proposéiert philosophesch Ronnen ze organiséieren, fir zesummen iwwer Ëmweltfroen nozedenken an nohalteg Léisungen ze fannen.
