Aus dem Liewen

Liesfërderung bei Kanner
Wéi kënne mir d'Léift fir d'Bicher bei eise Kanner vu Klengem u fërderen? Kann d'Virliesen, och wann et nëmmen zwou Minutten den Dag ass, wierklech e Grondstee fir de spéidere Lieserfolleg sinn? A wéi eng Roll spillen d’Eltere bei der Liesfërderung?
“Laut dem Lesemonitor vun der Stiftung Lesen, enger järlecher Etüd zum Virliesverhale vu Famille mat Kanner tëschent 1 a 8 Joer, fänken Elteren oft ze spéit mam Virliesen un. An engem Drëttel vun de Famille gëtt guer net oder nëmme seele virgelies. Dobäi ass virun allem déi fréi Kandheetsphas an den Ufank vun der Schoul entscheedend, fir d'Léift zum Liesen ze förderen”.
D’Bicher an d’Freed um Liese goufe schonn ëmmer an der ErwuesseBildung grouss geschriwwen a grousse Wäert drop geluecht Famillen op hirem Wee ze ënnerstëtzen.
“Ech soen ëmmer d’Léift fir ze Liese fänkt mam éischte Liblingsbuch un. Dofir hu mir fir déi ganz Kleng, vun 0 bis 3 Joer, ee Billerbuch-Workshop, wou Eltere mat Hëllef vu Fotoen an diverse Materialien e perséinlecht Pappbilderbuch fir hir Kanner gestalten”, seet d’Leslie Fischbach, Mediepedagogin vun der EWB

Erausgepickt:
D'EwB bitt vill Ateliere ronderëm d'Theema Liesfërderung un. Dorënner och dee beléifte Billerbuchatelier fir Eltere vu Kanner tëschent 0 an 3 Joer, wou Elteren hirem Kand e perséinlecht Kannerbuch kreéiere kënnen (15.03.). Donieft ginn et nach e Liesunge mat kreativen Aktivitéite fir Kanner tëschent 4 a 7 Joer an e Liesen-a-Spillnomëtteg samschdes (11.01.) an Zesummenaarbecht mat Numulis fir Kanner am Grondschoulalter.
Informatiounen op www.ewb.lu

Episoden