Sot emol
Serge Tonnar: "Mir hu geléiert Jo an Amen ze soen"
52 min
De Serge Tonnar gouf déi lescht dräi Joer mat radikalen Ännerungen a sengem Liewen konfrontéiert. Mat gemëschte Gefiller gefiddert vun deelweis positiven Impulser fir nei Weeër ze goen a Momenter vun Desorientéierung an Afrostelle vu sengem Beruff a sengem Wee. Ugefaangen huet déi Transitioun 2019, wéi Legotrip opgeléist gouf.
Legotrip huet als Solo-Projet ugefaangen an ass 2011 zu enger richteger Band gewuess. Mam Eric Falchero, Rom Christnach a Misch Feinen. Dunn huet d'Pandemie an deen domadder verbonnene Lockdown de Kultursecteur brooch geluecht. An um perséinleche Plang si seng zwee Jonge mat hire Studie fäerdeg ginn a vun doheem ausgezunn. Seng zwee Bouwen, den Tun an de Luka, déi alle Béid och de Wee bei d'Musek fonnt hunn, warscheinlech vun hirem Papp getriggered.
De Serge Tonnar ass en onofhängegen Auteur, Komponist, Interpret a Schauspiller. Hien ass Autodidakt an huet aus sengem Hobby säi Beruff gemaach. Op sengem Blog nennt hie sech selwer de "Stëlltefëller".
Viru 25 Joer huet hien säi festen Job als Journalist opginn fir fräischaffende Kënschtler ze sinn, ouni Nieweverdéngscht. Warscheinlech ass hie bis haut ee vun de ganz raren, déi dat zu Lëtzebuerg vu sech behaapte kënnen. Hien huet bei Bands matgewierkt wéi Blue Screw, Battaklang, Taboola Rasa, Zap Zoo, Legotrip a Luna Boots, donieft huet hie sëllegen CDe produzéiert.
A senge sozialpolitesch kritesche Lidder geet hien u literaresch a musikalesch Texter aus der Lëtzebuerger Geschicht, gëtt hinnen en neie Sënn an hannerfreet déi ideologesch Konditiounen bannent deene se entstane sinn.
2020 huet de Serge Tonnar vun engem Klassiker aus dem ale China eng fräi Nodichtung op Lëtzebuergesch gewot. "D'Buch vum Wee" vum Tao Te King ass 400 Joer virun eiser Zäitrechnung am ale China entstanen a vum Serge Tonnar an d'Lëtzebuergescht iwwersat ginn. Dofir huet hien eng Wuertwiel getraff, déi einfach ass, ouni ze vereinfachen. Am Zesummespill mat Aquarelle vum Jean-Marie Biwer.
Ob a senge Lidder oder an de soziale Medien, de Serge Tonnar ass den Hexemeeschter vun de Wierder, déi seng Gedanke géint Homophobie, Xenophobie, Intoleranz a sozial Ongerechtegkeeten ausdrécken.
Mat "Aner Lidder" huet hie sech dem Defi gestallt seng Liblingslidder op Lëtzebuergesch ze iwwersetzen an ze interpretéieren - ënner aneren - Léo Ferré, Nick Cave, Jacques Brel, Antony & the Johnsons oder John Lennon.
Haut kämpft hie fir als Kënschtler weider ze liewen an ze iwwerliewen. Dem Serge Tonnar no hätt d'Situatioun vun de Covid-Mesuren a sengem Beruff gewisen, wéi grouss d'Diskrepanz tëschent de Kënschtler selwer an dem Rescht vun der Kulturzeen ass. Hir seet: "Mir hu geléiert Jo an Amen ze soen", wat dann och den Titel vu sengem neien Album gëtt, deen am Oktober erauskënnt.
Episoden
Fabienne Hollwege: Ëmmer op fir nei Erausfuerderungen
Musekerin, Schauspillerin, Sängerin, Schrëftstellerin, Kënschtlerin, Enseignante, alles dat passt op d‘Invitée.
Tessy Troes: Film, Foto a Fussball
D'Tressy Troes ass d'Invitée beim Jean Claude Majerus am Sot emol
Dominique Santana: Konscht a Geschicht
D'Historikerin a Cineastin Dominique Santana ass d'Invitée.
Richard Stephany: "Ein junger Luxemburger in NS-Haft"
En historescht a ganz perséinlecht Buch iwwer dem Joseph Stephany seng Erliefnesser wärend dem Zweete Weltkrich, geschriwwe vu sengem Fils.
Frank Maas: Den Auto, eng Passioun
De Frank Mass schafft schonn zanter iwwer 30 Joer beim ACL, dem Automobilclub, dat heescht zanter iwwer 30 Joer steet bei him den Auto a soss Gefierer am Mëttelpunkt.
Paul Kirps: Artist a Grafik-Designer
Dem Kënschtler seng Wierker sinn an de Kollektioune vum MUDAM, vum Museum für Gestalltung zu Zürech an och vum ganz renomméierte MoMA.
Jean-Claude Leners: D'Hëllef steet am Mëttelpunkt
Den Dokter erzielt vu sengen humanitäre Missiounen op Plazen, wou d'Gesondheetsversuergung net garantéiert ass, a wéi hien dat erlieft huet.
Mirka Costanzi: Kreativitéit mat enger sozialer Approche
D'Invitée ass Assistante sociale an Theaterpädagogin.
Nilton Martins: Lëtzebuerg-Paräis-Lëtzebuerg
De Nilton Martins ass déi Kéier den Invité beim Jean Claude Majerus an der Emissioun Sot emol.
Laurence Duhr: Wäibau, Psychologie a Clownereien
d'Psychologin, Önologin an Clown Laurence ass Invitée beim Jean Claude Majerus an der Emissioun "Sot emol"
Fabienne Hollwege: Ëmmer op fir nei Erausfuerderungen
Musekerin, Schauspillerin, Sängerin, Schrëftstellerin, Kënschtlerin, Enseignante, alles dat passt op d‘Invitée.
Mirka Costanzi: Kreativitéit mat enger sozialer Approche
D'Invitée ass Assistante sociale an Theaterpädagogin.
Raoul Schlechter: Mam Riddo huet et ugefaangen
De Lëtzebuerger Acteur a Passionéierte vun Theater a Film ass den Invité.
Esther Conter: "Ech sinn e Gefillsmënsch"
D'Actrice, also d'Musical-Actrice, Sängerin, Gesangspedagogin, Achtsamkeits- a Meditatiounsenseignante an och Songwriterin ass d'Invitée.
Nico Wege: E Liewe fir den Drumset
Eng Rees mam Drummer, Museker a Komponist zeréck an d'Zäit vun de grousse Baler mat der bekannter Cover-Band Fascination
Irina Holzinger
D'Sängerin a Songwriterin ass d'Invitée.
Raoul Migliosi: "Ech hat kee richtege Plang B"
De jonke Lëtzebuerger professionellen Acteur ass den Invité.
Anne Rose Terebesi: "Ech weess net, wou meng Energie hierkënnt"
D'Pianistin a Museksenseignante vu Bernkastel ass Invitée.
Timo Wagner: Leeschtungssportler a Schauspiller
"Zwei Seelen wohnen, ach! in meiner Brust", d'Zitat aus dem Goethe sengem "Faust" passt gutt op den Invité.
