Al Schanken
Al Schanken
Der englescher Band Traffic hir Originne ginn op d'60er Joren an op d'Spencer Davis Group zeréck: déi stoung gläich e puermol uewen an den Charts (mat "Keep on Running", "Gimme Some Lovin", "I'm a Man") - wat net zu Lescht un der prägnanter Stëmm vum jonke Steve Winwood louch, deen och meeschtens Uergel gespillt huet. Den Dave Mason war als Roadie fir si aktiv an hat ë. a. als Instrumente-Stëmmer gutt Kenntnisser vu Gittar, Bass a Keyboards. 1967 gouf Traffic gegrënnt.
No engem Ofstiecher bei Blind Faith (mat ë. a. dem Eric Clapton) koum de Winwood 1970 erëm bei Traffic zeréck an huet zesumme mam Mason un engem neie Sound gebastelt, mat méi Improvisatioun an Jazzaflëss. Déi richteg Leit dofir waren de Chris Wood (Saxofon, Flütt) an den Drummer Jim Capaldi. Méi spéit ass d'Band op siwe Leit ugewuess, mat derbäi war och de Perkussionist Reebob Kwaku Bah, dee méi spéit sollt bei Opname vun der däitscher Formatioun Can matmaachen.
Den Duebelalbum "On The Road" gouf 1972 wärend enger Däitschland-Tour opgeholl a koum 1973 um Label Island eraus. Proposéiert gi sechs Lidder, mat enger Spilldauer vun am Ganzen iwwer 75 Minutten.
D'Playlist:
The Smithereens - The House We Used To Live In (Green Thoughts, 1988)
The Babe Rainbow - Secret Enchanted Broccoli Forrest (The Babe Rainbow EP, 2015)
New Order - Everyone Everywhere (Republic, 1993)
Allah-Las - Tell Me (What's On Your Mind) (Allah-Las, 2012)
The Go-Betweens - Streets Of Your Town (16 Lovers Lane, 1988)
Talking Heads - Flowers (Naked, 1988)
Lou Reed - Busload Of Faith (New York, 1989)
The Small Faces - Song Of A Baker (Odgens' Nut Gone Flake, 1968)
Steve Marriott - All Or Nothing (Live In London, release 2009)
Traffic - (Sometimes I Feel So) Uninspired (live) (On The Road, 1973)
Van der Graaf Generator - Masks (World Record, 1976)
Marcus Miller - Detroit (Renaissance, 2012)