VaLibrairie
Déi wonnerbar Valibrairie LIVE aus der Galerie39
0 min
D'Kënschtlerin Sandrine Ronvaux huet mat hirer Kollektioun "Ceci n'est pas un roman - ADN et ingrédients d'auteurs" der Lëtzebuerger zäitgenësseger Literatur en Hommage gesat.
Si huet sech mat de literaresche Wierker vu sechs Lëtzebuerger AutorInnen ausenegesat. Sechs AutorInnen vu verschideenem Alter, verschidde Stiler, verschidden Sproochen an verschidden Approchen.
Et handelt sech hei ëm den Tullio Forgiarini, de Gast Groeber, de Ian de Toffoli, de Romain Butti, d'Claudine Muno an d'Nathalie Ronvaux.
D'Sandrine Ronvaux huet sech an d'Bicher vun de 6 AutorInne gestierzt. Wéi eng Sujeten kommen ëmmer erëm, wéi eng Wierder, wéi e Genre, wéi eng Approche ass individuell fir déi eenzel AutorInnen an dat mam Zil d'Resultater vun dëser intensiver Recherche an eng visuell Sprooch ze iwwersetzen.
U sech en Reduzéieren, en Zeechen fir eng Iddi, fir eng Iwwerleeung, fir eng Approche, eng Traduktioun an e Resumée.
Wat een dann op den Tableaue gesäit, erënnert un Hieroglyphen oder souguer un d'Höhlenmolerei, mee et brauch een net esou wäit zréck ze goen, et geet duer bis an den Atelier vum uruguayesch-spueneschem Kënschtler Joaquim Torres Garcia ze goen, fir d'Spueren vun dësem Moler, Skulpteur an Auteur z'erkennen, deen och dem Miro säi Léiermeeschter war.
1934 ass den Torres Garcia aus Spunien zréck an den Uruguay gaangen, wou hien seng "Escuola del Sur"- Schoul vum Süden gegrënnt huet an an de folgenden Jorzéngten déi latäinamerikanesch Konscht beaflosst huet. Vun der figurativ- realistescher Billersprooch an déi abstrakt Konschtrichtung. Ewech vun der Duerstellung vun historeschen Evenementer a hin zu der Reflektioun vun der gesellschaftlecher an urbaner Entwécklung vu Latäinamerika.
D'Kënschtler hunn do des Erausfuerderung ugeholl, mat grousse Succès. An d'Sandrine Ronvaux geet an dëse Wierker also net just der Identitéit vun de sechs Auteuren op d'Spuer, mee och dem Latäinamerikaneschem Konstruktivismus, speziell dem Torres Garcia.
Pyrogravure op Holz an Aquarellzeechnungen vun der Sandrine Ronvaux sinn an der Expo an der Galerie39 ze Diddeleng gewise ginn an de Radio 100,7 war mat der Emissioun "Déi wonnerbar VaLibrairie" eng Stonn laang op der Plaz, wou dann déi eenzel SchrëftstellerInnen am Austausch mat der Kënschtlerin iwwer hier Literatur an iwwer d'Exponaten geschwat hunn. Moderatioun haten d'Valerija Berdi an de Michel Delage.
Episoden
Live um Fest vum Buch
Mir begréissen eng Rei Auteuren an Autorinne live ze Hënchereng am Kulturhaus.
Leipziger Buchmesse
Eng Spezialeditioun mat Gespréicher mat AutorInnen op der Leipziger Buchmesse
En Huesenhäerz, dat fir d'Literatur schléit
De Michael Krüger mat beréierenden a beandrockenden Erënnerungen an Anekdoten
Eng literaresch Männerronn
Jean Portante, Nico Helminger, Guy Helminger a Jean Sorrente an hir nei Wierker
E Réckbléck op dat literarescht Joer 2023
Mir kucken op déi literaresch Highlights 2023 zréck.
Live vun de Walfer Bicherdeeg
Invitéen aus der Literaturzeen, ë. a. all d'Laureatinne vum Lëtzebuerger Buchpräis an hir Vertrieder vun den Editiounshaiser
Margret Steckel
D'Laureatin vum Batty-Weber-Präis 2023 huet d'Wuert
Embarquez à bord du Belem
Mam Fotograf Philippe Matsas gi mir op ee vun den eelsten Dräimasten.
Déi wonnerbar VaLibrairie
E Gespréich mam Jean Portante a Bespriechunge vun neie Bicher vum Roland Meyer a Pierre Joris
Déi wonnerbar VaLibrairie
E Gespréich mam Jean Portante a Bespriechunge vun neie Bicher vum Roland Meyer a Pierre Joris
A:LL
Steet déi bosseg Ofkierzung fir en neit Zaubermëttel? An Zukunft sollen domat all Zäit d'Interessie vun de Lëtzebuerger Schrëftsteller:inne méi konkret a konsequent vertruede ginn.
A:LL
Steet déi bosseg Ofkierzung fir en neit Zaubermëttel? An Zukunft sollen domat all Zäit d'Interessie vun de Lëtzebuerger Schrëftsteller:inne méi konkret a konsequent vertruede ginn.
De Servais-Präis 2023 - Mord, Korruptioun a gutt Literatur
Eng Episod, déi sech ronderëm dem Jérôme Quiqueret säi Buch "Tout devait disparaître." dréit.
De Servais-Präis 2023 - Mord, Korruptioun a gutt Literatur
Eng Episod, déi sech ronderëm dem Jérôme Quiqueret säi Buch "Tout devait disparaître." dréit.
Hommage un d'Anise Koltz
Den 1. Mäerz 2023 huet eis d'Poetin Anise Koltz verlooss