One World
Soleil d'Hiver
Ee Joer no "Soleil Kréyol" huet de franséische Museker a Sänger David Walters haut säin neien Album "Nocturne" verëffentlecht, dat an der Zesummenaarbecht mam Vincent Segal, Ballaké Sissoko & Roger Raspail. Et handelt sech hei ëm e live Enregistrement. De Walters proposéiert deenen anere seng Lidder am Moment virun der Opnam, an dann ergëtt sech eng improviséiert akustesch Jam Session, ouni Casque, ouni Elektronik. Mäi Favorit vun dëser Woch!
Vill Gaaschtinvitéen um neien Album "Good Good Things" vum Paräisser Produzent Blundetto. E relaxen Album, e Mix aus Afrofunk, Reggae a Latino Kläng.
De Label Strut huet viru Kuerzem Lidder vun den onemgänglechen Oneness of Juju verëffentlecht mat Lidder vun hirem Ufank an de 70er Joren bis an d'ufanks 80er ...
De Kuti Clan um Album "Legay +", dat sinn de Bouf an den Enkel vum legendären nigerianesche Museker an Aktivist Fela Kuti. De Femi a Made Kuti entwéckelen d'Formel vum Afrobeat weider an och si prangeren d'Korruptioun am Nigeria un.
Deen zu London baséierte Museker, Poet an och visual Artist Loshh Aje, kuerz Loshh genannt, huet, nodeems hien eng Serie vu Singele verëffentlecht huet, elo seng Debut "Ífaradá" erausbruecht. En interessante Sound, bei deem senger Ecoute ech och un e Gil Scott Heron oder Prince erënnert gouf.
De Rapper Oxmo Puccino ass elo zesumme mat sengem Landsmann Ballaké Sissoko (och aus dem Mali) ze héieren. Den Titel "Frotter les mains" kënnegt dem Sissoko säin neien Album un, dee fir Enn Februar virgesinn ass. Eng erstaunlech Renconter ... Rap begleet vun enger Kora ...
Playlist:
Vincent Segal, David Walters, Ballaké Sissoko & Roger Raspail - Papa Kossa - Nocturne
Vincent Segal, David Walters, Ballaké Sissoko & Roger Raspail - Sa en yé - Nocturne
Vincent Segal, David Walters, Ballaké Sissoko & Roger Raspail - Freedom - Nocturne
Blundetto - Menina Mulher da Pele Preta (feat. Leonardo Marques) - Good Good Things
Blundetto - Feel the Cold (feat. Hindi Zahra) - Good Good Things
Oneness of Juju - Be About the Future - African Rhythms 1970-1982
Femi Kuti & Made Kuti - Different Streets - Legacy +
Loshh - É Beré - Loshh - Ífaradá
Loshh - Í - Loshh - Ífaradá
Ballaké Sissoko - Frotter les mains (feat. Oxmo Puccino) - Frotter les mains (feat. Oxmo Puccino)
Hailu Mergia - Bayne Lay Yihedal - Yene Mircha