Bewosst Gesond
Eeër - wat mécht se esou wäertvoll?
En Ee verstoppt ënner senger Schuel vill wichteg Närstoffer, wéi Eewäiss, Vitaminnen a Mineralien. Dat mécht et zu engem klengen Kraaftpak.
D'Ee, egal ob d'Schuel brong oder wäiss ass, enthält wäertvollt Eewäiss, dat gutt verdaulech ass. De mënschleche Kierper kann dëst Eewäiss quasi zu 100 Prozent verwäerten. Den Eewäissgehalt am Eegiel ass erstaunlecherweis méi héich, wéi am Wäisse vum Ee.
De Fettgehalt ass insgesamt net héich a konzentréiert sech ausschliisslech am Dueder, genee wéi de Cholesterol. Dëse beaflosst de Cholesterolspigel iwwregens kaum, entscheedend fir de Cholesterolspigel am Blutt ass éischter d'Qualitéit vun de Fetter an der Ernärung. Et soll ee méi op Planzefetter zeréckgräifen.
Déi wichtegst Vitaminn am Ee ass d'Vitaminn A. Dës Vitaminn suergt dofir, datt d'Aen elastesch bleift, an datt mir nuets besser gesinn.
Duerch hir Zesummesetzung sinn d'Eeër e gudden a bëllegen Fleesch- a Fëschersatz. Esou réit de Ministère am Kader vu senge Richtlinne fir eng gesond Ernärung an de Kannerbetreiungsstrukturen all zwou Wochen e Plat op Basis vun Eeër op de Menü ze setzen, fir d'Fleesch oder de Fësch ze ersetzen. Eeër kënnen a verschiddene Varianten ugebuede ginn: haartgekacht, als Omlett oder als Eeërtriwwel.
Wien eppes fir d'Wuel vum Déier maache wëllt, dee gräift entweder op Bio-Eeër zeréck, oder op Eeër vun Hénger aus senger Géigend, wou ee gesäit, wéi se gehalen a gefiddert ginn. D'Angebot u Lëtzebuerger Eeër kann d'Nofro erfëllen. D'Vilfalt un Zoubereedungsméiglechkeete fir Eeër ass riseg, si hunn och duerfir ouni Zweiwel hir Plaz an enger gesonder Ernärung.
Ernärungsrotschléi vun der Dieteticienne Liz Mersch, presentéiert vum Angie Maquil.
Episoden
Aktuell Ernärungstrends
Mir diskutéieren iwwer de Stellewäert vun den aktuellen Ernärungstrends bei jonke Mënschen.
Eng Kalorie ass net gläich eng Kalorie
De Fokus soll op enger bewosster Auswiel vu Liewensmëttel leien, well all Kierper eenzegaarteg op Kalorië reagéiert.
Schwaarzt a gréngt Gold
Olive fir d'Gesondheet
D'Bekämpfung vun den Antibiotique-Resistenzen zesumme mat der ALVA
Sensibiliséirungwoch 18.-24. November 2024, fir e gudde Gebrauch mat Antimikrobe-Medikamenter
Den Immunsystem mat der richteger Ernärung stäerken
Déi richteg Ernärung liwwert wichteg Närstoffer fir e staarken Immunsystem. Vitaminnen, Mineralstoffer a gesond Daarmbakterien hëllefen, Infektiounen ofzewieren an de Kierper widderstandsfäeg ze halen.
Wat bedeit d'Rekommandatioun: Fënnef Portiounen den Dag
Wéi kéint dat konkret ausgesinn, wann ee fënnef Portiounen Uebst a Geméis an engem Dag abaut?
Hierschtblues an d'Ernärung
Kann een duerch d'Ernärung déi méi depressiv Stëmmung an de Wanterméint virbeugen?
75 Joer École d’Hôtellerie et de Tourisme du Luxembourg
En Interview mam Direkter vun der EHTL
Revisioun vun de politesche Fuerderunge vu Foodsharing Luxembourg
Liewensmëttelverloschter a -verschwendung bleiwen ee vun dee gréisste Problemer, déi eis modern Gesellschaft ugoe muss.
Wisou ass en gemeinsamt Familljeniessen esou wichteg?
Eng ganz Rëtsch vu wëssenschaftlechen Etüde weisen, dass zesummen Iesse méi ass wéi nëmmen d'Erfëlle vun den alldeegleche Besoinen.
Waasserkefir
Am Handel fënnt een ëmmer méi sougenannte pro-biotesch Produiten.Mëllech-Kefir, Kombucha ma och Waasserkefir ass e pro-biotescht Gedrénks, a vun deem huele mer haut eng Schlupp.
Am léifste Pasta, an am léifsten al dente!
Mee wéi gesond sinn Nuddelen eigentlech?
Liewensmëttelverschwendung
Liewensmëttelverschwendung ass e grousst a wichtegt Theema. Dest eethesch, wirtschaftlech an ökologesch gesinn ass se ganz problematesch.
Bauchfett am Fokus: Gesondheet an Ofhuelen
Ofhuelen ass ni ganz einfach. Besonnesch schwéier ass et, Bauchfett ze verléieren. Bauchfett ass net nëmmen ästhetesch net schéin, mee och medezinesch geféierlech.
Superfood: Mythos oder Realitéit?
Wat si Superfoods a wat stécht wierklech hanner dem Hype?
Entdeckungsrees an d’Räich vun de Kraider aus der Provence 2/2
Zesumme mat der Ernärungsberoderin Lis Muller geet et op d‘Entdeckungsrees „Saveurs et Senteurs“ vun de Kraider aus der Provence.
KI an der Hotelschoul
Wéi sech d'Hotelschoul mat der Kënschtlecher Intelligenz ausernanersetzt a se integréiert.
D’Räich vun de Kraider aus der Provence - 1/2
Zesumme mat der Ernärunsgberoderin Lis Muller geet et op Entdeckungsrees an d’Räich vun de Kraider aus der Provencee: e klengen Iwwerbléck iwwer eng Saveur-et-Senteurs-Rees.
Nei Gentechnik: steet eis Walfräiheet an der Liewensmëttelauswiel um Spill?
Déi Europäesch Unioun plangt d‘Reglementer fir nei Gentechnik ze lockeren, mam d'Zil, d‘Entwécklung an d‘Benotze vun esou Technologien an der Landwirtschaft ze fërderen.
