Bewosst Gesond
Mëllech, e beléiftent Liewensmëttel
Mëllech liwwert vill liewensnoutwendeg Närstoffer. Duerfir ass et kee Gedrénks, mee e flëssegt Nahrungsmëttel mat engem héijen Närstoffgehalt. Mëllech enthält z. B. héichwäertegt Eewäiss, licht verdaulech Fetter a fir de Kierper gutt verwäertbar Kuelenhydrater a Form vu Laktos.
Och liwwert d'Mëllech en héije Gehalt un de Mineralie Kalzium a Phosphor, de waasserléislechen B-Vitaminnen (virun allem Vitaminn B2) an de fettléislechen Vitaminnen A an D. Wann een d'Mëllech schounend erhëtzt, bewierkt dat just e gerénge Verloscht u B-Vitaminnen, ca 10 Prozent. D'Fett an d'Mineralie bleiwen erhalen. Wat de Kalzium ugeet, sou kann een den Dagesbedarf vun engem Erwuessenen zum Beispill mat 1/2 l Mëllech an zwou Scheiwen haardem Kéis décken.
D'Lëtzebuerger Mëllechproduktioun kann d'Demande erfëllen, an d'Mëllech ass als Lokalprodukt d'ganzt Joer ze kréien. Wann ee se gären huet, a se gutt verdréit, kann ee säi Liewen laang Mëllech drénken, et kënnt op d'Quantitéit un! Sou ass d'Mëllech gläichwäerteg mat anere Mëllechprodukter. Dat heescht, jee méi Mëllech een drénkt, desto manner aner Mëllechprodukter sollt een iessen, an ëmgedréit. Hei leien d'Empfeelungen bei dräi Mëllechprodukter pro Dag. Wann ee sech un dës Empfeelungen hält, ass et och net méi ausschlaggebend, ob een elo Voll- oder hallefentrahmt Mëllech wielt, well dëst jo duerch eng adequat Quantitéit gereegelt gëtt. Falls een also Mëllech drénkt, sollt een virun allem drop uechten, e Qualitéitsprodukt aus lokaler Hierstellung ze wielen, dat engem schmaacht.
Ernärungsrotschléi vun der Dieteticienne Liz Mersch, presentéiert vum Angie Maquil.
Episoden
Aktuell Ernärungstrends
Mir diskutéieren iwwer de Stellewäert vun den aktuellen Ernärungstrends bei jonke Mënschen.
Eng Kalorie ass net gläich eng Kalorie
De Fokus soll op enger bewosster Auswiel vu Liewensmëttel leien, well all Kierper eenzegaarteg op Kalorië reagéiert.
Schwaarzt a gréngt Gold
Olive fir d'Gesondheet
D'Bekämpfung vun den Antibiotique-Resistenzen zesumme mat der ALVA
Sensibiliséirungwoch 18.-24. November 2024, fir e gudde Gebrauch mat Antimikrobe-Medikamenter
Den Immunsystem mat der richteger Ernärung stäerken
Déi richteg Ernärung liwwert wichteg Närstoffer fir e staarken Immunsystem. Vitaminnen, Mineralstoffer a gesond Daarmbakterien hëllefen, Infektiounen ofzewieren an de Kierper widderstandsfäeg ze halen.
Wat bedeit d'Rekommandatioun: Fënnef Portiounen den Dag
Wéi kéint dat konkret ausgesinn, wann ee fënnef Portiounen Uebst a Geméis an engem Dag abaut?
Hierschtblues an d'Ernärung
Kann een duerch d'Ernärung déi méi depressiv Stëmmung an de Wanterméint virbeugen?
75 Joer École d’Hôtellerie et de Tourisme du Luxembourg
En Interview mam Direkter vun der EHTL
Revisioun vun de politesche Fuerderunge vu Foodsharing Luxembourg
Liewensmëttelverloschter a -verschwendung bleiwen ee vun dee gréisste Problemer, déi eis modern Gesellschaft ugoe muss.
Wisou ass en gemeinsamt Familljeniessen esou wichteg?
Eng ganz Rëtsch vu wëssenschaftlechen Etüde weisen, dass zesummen Iesse méi ass wéi nëmmen d'Erfëlle vun den alldeegleche Besoinen.
Waasserkefir
Am Handel fënnt een ëmmer méi sougenannte pro-biotesch Produiten.Mëllech-Kefir, Kombucha ma och Waasserkefir ass e pro-biotescht Gedrénks, a vun deem huele mer haut eng Schlupp.
Am léifste Pasta, an am léifsten al dente!
Mee wéi gesond sinn Nuddelen eigentlech?
Liewensmëttelverschwendung
Liewensmëttelverschwendung ass e grousst a wichtegt Theema. Dest eethesch, wirtschaftlech an ökologesch gesinn ass se ganz problematesch.
Bauchfett am Fokus: Gesondheet an Ofhuelen
Ofhuelen ass ni ganz einfach. Besonnesch schwéier ass et, Bauchfett ze verléieren. Bauchfett ass net nëmmen ästhetesch net schéin, mee och medezinesch geféierlech.
Superfood: Mythos oder Realitéit?
Wat si Superfoods a wat stécht wierklech hanner dem Hype?
Entdeckungsrees an d’Räich vun de Kraider aus der Provence 2/2
Zesumme mat der Ernärungsberoderin Lis Muller geet et op d‘Entdeckungsrees „Saveurs et Senteurs“ vun de Kraider aus der Provence.
KI an der Hotelschoul
Wéi sech d'Hotelschoul mat der Kënschtlecher Intelligenz ausernanersetzt a se integréiert.
D’Räich vun de Kraider aus der Provence - 1/2
Zesumme mat der Ernärunsgberoderin Lis Muller geet et op Entdeckungsrees an d’Räich vun de Kraider aus der Provencee: e klengen Iwwerbléck iwwer eng Saveur-et-Senteurs-Rees.
Nei Gentechnik: steet eis Walfräiheet an der Liewensmëttelauswiel um Spill?
Déi Europäesch Unioun plangt d‘Reglementer fir nei Gentechnik ze lockeren, mam d'Zil, d‘Entwécklung an d‘Benotze vun esou Technologien an der Landwirtschaft ze fërderen.
