Mat der Kamala Harris géif d'Hoffnung an den USA zeréckkommen, sot d'Michèle Obama. De Barack Obama sot, d'USA wiere prett fir eng Presidence ënner der Kamala Harris.
Si hunn Allenzwee d'Supportere vun den Demokraten opgeruff, am November vun hirem Walrecht Gebrauch ze maachen, well et ee knappt Resultat géif ginn. Déi national Sondagë ginn der Kamala Harris den Ament e liichten Avantage op den Donald Trump.
D'Kamala gouf iwwerdeems um Parteikongress zu Chicago elo offiziell als demokratesch Presidentschaftskandidatin confirméiert. Si huet sech iwwer Video zougeschalt aus dem Staat Wisconsin, wou si fir de Walkampf ënnerwee war. Hir Haaptried zu Chicago hält si an der Nuecht vun donneschdes op freides.
Eisen USA-Korrespondent Philip Crowther mat Informatiounen an Andréck vun der Plaz