Zwee Deeg laang si si mat Sichhënn an Helikoptere gesicht ginn, ouni Succès. De Mëtteg konnten si zu Lëtzebuerg a Begleedung vun engem Familljemember lokaliséiert ginn.
Géint den 30 Joer ale Mann gouf elo vum Parquet vun Oldenburg eng Enquête wéinst Verdacht op Mathuele vu Mannerjäreger opgemaach. Déi zwee Jonge wieren elo zu Lëtzebuerg opgeholl ginn an hir Heemrees géif organiséiert ginn.
Weider Detailer, wéi d‘Kanner op Lëtzebuerg komm sinn an ob eventuell nach aner Persounen implizéiert waren, sinn nach net bekannt. D‘Jonge wieren awer ni a Gefor gewiescht.
