De Lëtzebuerger Diplomatiechef hätt hei nach emol déi Lëtzebuerger Iwwerzeegung ënnerstrach, datt just eng Zwee-Staate-Léisung dauerhafte Fridde kéint bréngen.
Ausserdeem wier et wichteg, datt a Palestina séier demokratesch Walen organiséiert ginn, esou de Xavier Bettel.
Gouf ee Kompromëss fonnt?
De Katar hätt iwwerdeems een neie Kompromëss op den Dësch geluecht, fir de Konflikt an der Gazasträif an d’Fräiloossung vun den israeelesche Geiselen, mellen israeelesch Medien. Deemno sollen all Geisele fräigelooss ginn, wann déi israeelesch Arméi sech komplett aus der Gazasträif zeréckzitt. D’Féierung vun der islamistescher Hamas soll iwwerdeems an den Exil.
Déi israeelesch Regierung huet gëschter iwwer déi Propos diskutéiert, méi Detailer sinn net gewosst.
