De Minister Alejandro Mayorkas, deen op Kuba gebuer ass, kritt vun de Republikaner virgehäit, d‘Kontroll iwwert d‘Grenze verluer ze hunn, well esou vill Migranten iwwert déi mexikanesch Grenz an d‘USA kommen.
De Vott fir déi sougenannten Impeachment Prozedur géint de Minister ze declenchéiere war knapp: 214 Stëmme waren derfir, an 213 dergéint. D‘Decisioun läit elo beim Senat. Well do d‘Demokraten eng knapp Majoritéit hu gëllt et als onwarscheinlech, datt de Minister vu sengem Amt wäert entbonne ginn.
