Et wier scho laang net méi eng Schoul fir d‘Kanner vu Fabricksaarbechter, wéi se vum Rudolf Steiner 1919 geduecht war. De Rufolf Steiner ass de Grënner vun der Anthroposophie, erkläert den Heiner Ullrich.
"Spirituell Schau" a keng wëssenschaftlech Erkenntnis
Dës Iddi seet, datt an all Mënsch véier kosmesch Wiesenheeten, véier Temperamenter sinn an datt de Mënsch sech all siwe Joer verännert.
"Dazu kommt auch noch die Auffassung, dass sich das Ich eines jeden Menschen sozusagen in wiederholten Erdenleben verkörpert."
Fir den Heiner Ullrich éischter eng "spirituelle Schau", wéi eng wëssenschaftlech préifbar Erkenntnis, un där sech trotzdeem nach bis haut vill Léierpersonal an de Waldorfschoulen inspiréiert fir de Léierplang opzestellen.
All siwe Joer gëtt deemno d‘Pedagogik ganz geännert.
"Also von einer nachahmenden zu einer nachfolgenden und dann zu einer selbstbewussten Pädagogik. Das sind sozusagen die ersten drei Jahrsiebte, die ja pädagogisch sehr relevant sind."
An den éischte siwe Joer gëtt et och ee Schoulmeeschter oder eng Schoulmeeschtesch, déi aacht Fächer ënnerriicht. De Problem dobäi ass fir den Heiner Ullrich ënner anerem de Manktem u Fachlechkeet.
Fir déi eng funktionéiert et besser wéi fir déi aner
Den Taux u Schoulofbréch läit bei de Waldorfschoulen iwwerdeems tëscht 35 a 50 Prozent. Gläichzäiteg géifen der awer och vill am Laf vun hirer Schoulkarriär an d‘Waldorfschoul wiesselen. Fir déi eng funktionéiert d‘Konzept besser wéi fir anerer.
Et gëtt och Aspekter, déi sech déi ëffentlech Schoulen ofkucke kënnen, gëtt den Heiner Ullrich ze verstoen. Et gëtt zum Beispill méi wäert op déi sougenannt ästheetesch Bildung geluecht, wéi zum Beispill Theater oder Aktivitéite mat der Hand.
D'Waldorfschoul zu Lëtzebuerg gëtt et elo zënter 40 Joer. De Reportage doriwwer fannt Dir hei.
