D‘lescht Schouljoer hu bal 1.900 Schüler:innen d‘Schoul ofgebrach. Fir dëst Schouljoer leien nach keng Zuele vir. Den CSV-Deputéierte Marc Spautz schwätzt a senger parlamentarescher Fro vun alarmanten Zuelen. Si wieren deelweis dorop zeréckzeféieren, datt d‘Schüler:innen an der Formation professionelle ganz vill Schwieregkeeten hätten, ee Patron de Stage ze fannen.
1.000 Léierverträg opgeléist
Aus der Äntwert vum Minister Claude Meisch geet ervir, datt dat effektiv gréisser Konsequenze fir d‘Handwierk hätt. Doduerch géifen all Joer ëm déi 1.000 Léierverträg opgeléist ginn.
D‘lescht Schouljoer waren et der 1.044. Ee vun den Haaptgrënn, déi déi Jonk dofir uginn ass, datt si kee Léierbetrib, respektiv keng Beruffsschoul fonnt hätten.
