Den Netanjahu huet gëschter nach emol kloer gemaach, datt fir hien eng Zweestaateléisung nom Gazakrich net a Fro kënnt, och wann den US-President Joe Biden duerchblécke gelooss hat, datt dat – ënnert verschiddene Kondititiounen - mam Netanjahu ze maache wier. Ech wäert keng Kompromësser agoen, wat déi komplett israeelesch Kontroll vun der Sécherheet an der Gazasträif ugeet, huet den Netanjahu getwittert, an dat wier am Widdersproch mat der Existenz vun engem palestinenesche Staat.
Allerdéngs wiist an där Fro den Drock op Israel. Och den UN-Generalsekretär Antonio Guterres huet gëschter seng Fuerderung no enger Zweestaateléisung widderholl. D‘Recht vum palestinensesche Vollek op en eegene Staat misst unerkannt ginn, esou de Guterres.
Israel attackéiert iranesch Revolutiounsgarden
Gëschter sinn an der syrescher Haaptstad Damaskus fënnef Membere vun den iranesche Revolutiounsgarden bei israeelesche Loftattacken ëm d‘Liewe komm. Den iranesche President Ebrahim Ra-isi huet dem Äerzfeind Israel Revanche ugedreet.
US-Basis am Irak ugegraff
Am Irak ass eng Militärbasis, déi vun US-Zaldote benotzt gëtt ugegraff ginn, mellen d‘USA. Kämpfer déi vum Iran ënnerstëtzt ginn, hätten eng Partie Rakéiten op déi Base geschoss.
