/ Vertrieder aus 20 Länner berode sech iwwer humanitär Katastroph am Sudan
Fir iwwer de Biergerkrich am Sudan an déi humanitär Katastroph am nordostafrikanesche Land ze beroden, kommen haut Vertrieder aus ronn 20 Länner zu London fir eng Konferenz zesummen. Zil dovun ass et déi international Communautéit, a Suen, ze mobiliséieren, fir dem Land ze hëllefen.
1 min
Der UNO no si méi wéi 30 Millioune Leit am Sudan op Hëllef ugewisen. Bal 13 Millioune Leit sinn aus dem Land geflücht.
De Biergerkrich tëschent der Arméi an der RSF-Miliz huet virun zwee Joer ugefaangen. Och sexuell Gewalt géint Fraen ass wäit verbreet. D'lescht Woch hat d'RSF-Miliz e Flüchtlingscamp zu Samsam ugegraff. Medieberichter no koumen dobäi 450 Mënschen ëm d'Liewen.
