Den delegéierten Tourismusminister Eric Thill huet de Vëlosummer de Samschdeg op der Giewelsmillen offiziell lancéiert. D'Aktioun leeft vum 18. Juli bis de 16. August.
14 Strecke mat iwwer 500 Kilometer
Déi offiziell Ouverture huet mam “Uewersauer-Tour” ugefaangen
Dës Editioun bitt 14 Strecke mat insgesamt iwwer 500 Kilometer Vëlosweeër. D'Aktioun riicht sech un Awunner:innen an Touristen a soll d’Mobilité douce an en nohaltegen Tourismus fërderen.
Op de meeschte Strecke gëtt et och d'Méiglechkeet, e Vëlo ze lounen.
"Vëlosummer Challenge" ass zeréck
Nodeems d'"Vëlosummer Challenge" 2025 e grousse Succès war, kënnt si och dëst Joer zeréck. D'Participante kënnen iwwer d'VisitLuxembourg-App op de 14 Strecke Check-ins maachen a Quizfroe beäntweren.
Wie sämtlech Challenge meeschtert, kann de gielen Trikot vun der Editioun 2026 gewannen.
