D'Presidentin vun der EU-Kommissioun geet dovun aus, datt d'Douanestaxen direkt ze spiere wäerte sinn, mat enger Inflatioun, déi wäert klammen. Deemno hätten all Entreprisen, ob grouss oder kleng, vum éischten Dag un dorënner ze leiden, huet d'Ursula von der Leyen erkläert.
Verhandlungen an europäesch Géigemesuren
D'EU wier prett fir weider ze verhandelen, awer och dorop, fir mat Géigemesuren ze reagéieren, fir d'Interesse vun den europäeschen Entreprisen ze schützen, esou d'Kommissiounscheffin. Si huet net preziséiert, woura genee déi europäesch Äntwert op déi nei Annonce vum US-President wäert bestoen.
“Es ist noch nicht zu spät, Bedenken durch die Verhandlungen auszuräumen. Das ist der Grund, warum unser Handelskommissar Maroš Sevković in ständigem Kontakt mit seinen US-Kollegen ist. Wir werden auf den Abbau von Handelshemmnissen hinarbeiten, nicht sie zu erhöhen, sondern sie zu senken. Lassen Sie uns von der Konfrontation zur Verhandlung übergehen. Das ist der richtige Weg.”
Der EU-Kommissiounspresidentin Ursula von der Leyen no wäert d'EU zesummenhalen.
Et wieren och Mesurë virgesinn, fir déi europäesch Secteuren, déi direkt betraff sinn, ze ënnerstëtzen.
