D‘Fluchgesellschaft Lufthansa krut vun den US-Autoritéiten eng Rekordstrof an der Héischt vu 4 Milliounen US-Dollar, well Lufthansa 2022 iwwer 100 jiddesche Passagéier de Boarding bei enger Tëschelandung zu Frankfurt verweigert huet an domat diskriminéiert huet. Dat huet den US-amerikanesche Mobilitéitsministère matgedeelt.
Lufthansa-Fliger (Foto: picture alliance / Eibner-Pressefoto | Eibner-Pressefoto/Marcel von Fehrn)
Lufthansa hat argumentéiert, datt sech déi concernéiert Passagéier net un d‘Mesurë géint Covid gehalen hätten, wéi zum Beispill d‘Droe vun enger Mask. D‘Airline hätt a Wierklechkeet awer ni formell ee Passagéier identifizéiert, dee sech geweigert hätt, d‘Mesuren anzehalen, heescht et vun den US-Autoritéiten.
Lufthansa hätt eng intern Formatioun iwwer den Ëmgank mat Antisemitismus an Diskriminéierung lancéiert, esou déi däitsch Fluchgesellschaft.
