Fir unzefänke wieren et eng 20 Camion, esou de Biden. Si ginn awer net viru muer, Freideg, erwaart. Weider Camione kéinten nokommen. Sollt d‘Liwwerung awer vun der radikaler Hamas confisquéiert ginn, wier et eriwwer, esou seng Warnung. De Grenziwwergang vu Rafah gëllt aktuell als eenzege Wee iwwert den Hëllef an d‘Gazasträif ka kommen.
UNO schléit Alarm
Den UNO Generalsekretär Antonio Gueterres reest dann haut an Ägypten. Hien huet eng Entrevue mam Staatschef Abd al-Fattah as-Sisi. Och do geet et ëm d‘Ouverture vum Grenziwwergang vu Rafah.
Den UNO Nouthëllefskoordinateur huet gëschter nach eemol Alarm geschloen. Een direkten Zougang fir Hëllefsgidder an d‘Gazasträif wier direkt néideg. Et missten op d‘mannst 100 Camionen den Dag eran, sot hien.
Food, water, fuel & medical supplies are about to run out in Gaza.@UNICEF has sent critical supplies to Egypt, near the crossing to Gaza, but a ceasefire is needed to ensure safe delivery of this life-saving aid. https://t.co/TsJ51PJyqf pic.twitter.com/SRWISwgvq4
— United Nations (@UN) October 19, 2023
Och de Rishi Sunak um Wee an Israel
D‘Zerstéierung vum Spidol en Dënschdeg den Owend hätt den Drock op de ugeschloenen Gesondheetssystem weider erhéijt. Nach ass net kloer, vu wiem déi Rakéit koum. Den US-President Joe Biden huet gëschter erkläert, Israel wier wuel net responsabel, d‘Rakéit wier héchstwarscheinlech vun engem terroristesche Grupp zu Gaza fort geschoss ginn. Wéi vill Leit ëm d‘Liewe komm sinn ass och nach net gewëss.
Nom Joe Biden gëschter ass aktuell de brittesche Premier Rishi Sunak um Wee an Israel. Hien huet Entrevuë mam Premier Benjamin Netanjahu an dem President Izchak Herzog. Dono reest de Sunak a weider Haaptstied an der Regioun. Bei all deem geet et drëm, eng Ausbreedung vum aktuelle Krich ze verhënneren.
