D’Konsequenze vun der aktueller internationaler Kris, un där mir vu Lëtzebuerg aus gesinn näischt kéinten änneren, misst ee probéieren an de Grëff ze kréien. Dat wier de But vun dëser nationaler Tripartite, mengt den UEL-President Michel Reckinger
Hausse bei Materialpräisser am Bau
Den Impakt vun der Hausse vun den Energiepräisser wier schonn do, eng Erhéijung vun de Materialpräisser, zum Beispill am Bau, wier amgaange sech bemierkbar ze maachen. D’Tripartite wier ee Kriseninstrument, dowéinst dierft een thematesch och net dovunner ofkommen.
"Mir sollen eis wierklech limitéieren am Ordre du jour, fir déi Kris elo ze bekämpfen oder d'Konsequenze vun där Kris. A mir missten eis, well all déi aner Punkten, wou mir eis jo entweeder net eens ginn oder wou mir eis net gesinn op deenen normalen Dëscher, déi wäerte jo elo net op eemol hei, just well dat Ganzt Tripartite heescht, geléist kënne ginn."
D’UEL géif iwwerdeems ouni konkreet Demande an d’Tripartite eragoen. Et géif ee sech elo virbereeden, op Basis vun de Zenarie vum Statec, esou de Michel Reckinger vum Patronatverband UEL.
