An der Belsch ass haut um Dënschdeg den zweeten Dag vum Streik vun am Ganzen 3 Deeg. D‘Annonce vun der belscher Regierung gëschter, si hätt en Accord iwwer de Budget fonnt mat geplangte Spuermesurë vu ronn 9 Milliarden Euro, huet d‘Gewerkschaften net berouegt.
Am Géigendeel: De Streik wier elo méi gerechtfertegt wéi jee, heescht vun der belscher Gewerkschaftsfront.
Zuchstrecke Lëtzebuerg-Belsch och betraff
Nieft de Perturbatiounen am ëffentleche Verkéier, wou de Streik gëschter um Méindeg ugefaangen hat, kommen haut Schoulen, Crèchen, Spideeler an aner ëffentlech Servicer derbäi.
Muer um Mëttwoch ass de gréisste Streikdag virgesinn. Dat bréngt mat sech, datt et zënter gëschter och bei den Zuchverbindungen tëschent Lëtzebuerg an der Belsch Annulatiounen a Verspéidunge ginn.
Weider Detailer zum Streik an der Belsch huet eis Korrespondentin Agathe Cherki.
