Eréischt de Weekend haten déi tierkesch Autoritéiten eng 40 verdächteg IS-Terroriste festgeholl. Zanter Juni d‘lescht Joer goufen am Ganze bal 3.000 Mënsche festgeholl, déi ee Lien mam IS sollen hunn.
Zwee vun de presuméierten IS-Terroristen, déi e Freideg beim Attentat zu Moskau solle bedeelegt gewiescht sinn, hätten e puer Wochen an der Tierkei gewunnt, ier se ufanks Mäerz mam Fliger a Russland geflu wieren. Si wiere fräi tëscht der Tierkei a Russland hin an hir geflunn an et hätt kee Mandat d‘arrêt géint si ginn. Dat huet een tierkesche Responsaablen der AFP anonym gesot.
Och de russesche Sécherheets-Conseil beschëllegt d'Ukrain
De russesche President Wladimir Putin huet radikal Islamiste fir d‘Attentat zu Moskau responsabel gemaach, Hien huet awer och widderholl, datt d‘Ukrain an d‘Attack implizéiert wier.
Elo huet och de Sekretär vum russesche Sécherheets-Conseil d‘Ukrain beschëllegt, hannert der Attack ze stiechen. D‘Ukrain dementéiert dat.
