Dobäi goung et dorëm, wéi Staat a Gemengen an den nächste Jore mussen agräifen, fir datt méi Wunnraum ka gebaut ginn. Sujete waren awer och d’Zil vu Klimaneutralitéit spéitstens am Joer 2050 hei am Land, mat de Virstellungen zur Energietransitioun.
Fir d’Regierungsparteie souzen den Henri Kox (déi gréng), de Max Hahn (DP) an den Yves Cruchten LSAP um Dësch. Fir d’Oppositiounsparteie waren et d’Stéphanie Weydert (CSV), de Gary Diderich (déi Lénk), den Tom Weidig (ADR), de Yann Retter (Piratepartei), de Frank Engel (Fokus), den Alain Herman (KPL) an d’Perrine Felix (Liberté – Fräiheet).
Invitéiert op dës sougenannten offiziell Table ronde waren - de Reegele vun der ALIA (Autorité luxembourgeoise indépendante de l'audiovisuel) no - déi Parteien, déi op d’mannst an dräi vu véier Bezierker Lëschten deposéiert hunn, an déi am Total méi wéi 45 Kandidaten hunn.