/ Serbien: Partei vum President Vučić gewënnt d'Walen däitlech
Bei de virgezunne Parlamentswalen a Serbien huet d‘Partei vum President Aleksander Vučić däitlech gewonnen. Nodeems bal all d‘Bulletinen ausgezielt si kënnt déi Serbesch Fortschrëttspartei SNS op bal 47 Prozent vun de Stëmmen a gëtt stäerkste Kraaft zu Belgrad. Si hätt domat eng absolut Majoritéit a kéint an Zukunft eleng regéieren.
1 min
Den Aleksandar Vučić hat d‘Parlament a Serbien no net emol zwee Joer opgeléist. Hannergrond waren zwee Amokleef am Mee mat 18 Doudegen an de Konflikt am Kosovo, wou Serbien weiderhin den Norden als Deel vu sengem Territoire gesäit.
D‘Oppositioun behaapt, datt et bei der Wal gëschter vill Verstéiss géint d‘Reegele ginn hätten.
