D’Chamber géif net an d’Debatte ronderëm de Sozialdialog mat agebonne ginn, an d’Oppositioun géif net méi als ee wichtegt Element vum demokratesche Fonctionnement wouer geholl ginn, huet d’Sam Tanson um parlamentaresche Bilan virun der Press bedauert.
"Spaltung vun der Gesellschaft"
Déi gréng hätten net den Androck, datt de Premier Luc Frieden (CSV) no der Manifestatioun den 28. Juni Verständnis gewisen hätt.
Vill aktuell Konflikter, wéi zum Beispill d’Pensiounsreform, wieren op eng Spaltung vun der Gesellschaft zeréckzeféieren, déi d’CSV-DP-Regierung bewosst géif bedreiwen, esou nach d’Sam Tanson.
"A ville Gebidder gëtt ausgespillt deen ee géint deen aneren. Elo bei de Pensiounen Al géint d'Jonk, bei dem Wirtschaftsniveau de Wirtschaftswuesstem versus d'Aarbechtsrechter am Klima- an Ëmweltberäich, Klima- an Ëmweltpolitik versus Wunnengsbau. An et ass och eppes, wat an eisen Ae wierklech dozou féiert, dass mir Schwieregkeeten hunn, d'Leit beieneen ze kréien."
