De russesche President Wladimir Putin hat gëschter ugekënnegt, datt d‘Bombardementer nach vill méi intensiv géife ginn. Dat no der ukrainescher Attack op déi russesch Stad Belgorod. Dobäi waren e Samschdeg 25 Leit ëm d‘Liewe komm.
Leopard 2 Panzer: Et feelt un Ersatzdeeler
Vun dem am ganzen 18 Leopard 2 Panzer déi Däitschland un d‘Ukrain geliwwert huet sinn der just nach e puer am Asaz. Der zoustänneger parlamentarescher Kommissioun am Bundstag no wiere Reparaturen noutwendeg. Et géif awer un Ersatzdeeler feelen. Parallel géifen et och technesch Defaillance ginn, well d‘Ukrainer d‘Panzer op eege Fauscht géife reparéieren. Elo soll gekuckt ginn, wéi d‘Formatioun vun den Techniker weider ka verbessert ginn.
