De Viktor Orbán ass de leschte Staatschef, deen nach keng gréng Luucht ginn huet fir de schweedeschen NATO-Bäitrëtt. Seng Partei hat d‘Kandidatur blockéiert, aus Roserei iwwert d'Kritik aus Schweden un de rechtsstaatleche Verhältnisser an Ungarn.
E Méindeg soll dat ungarescht Parlament den NATO-Bäitrëtt endlech ratifizéieren, nodeems d‘Tierkei schonn am Januar gréng Luucht ginn hat. Stockholm hat am Mee 2022, als Konsequenz vun der russescher Invasioun an der Ukrain kandidéiert, fir der Militärallianz bäizetrieden, zäitgläich mat Finnland. Finnland ass zanter Abrëll zejoert dat 31. Memberland vun der NATO.
