Zil ass et, den Internet europawäit, mat eenheetleche Reegelen, méi sécher ze maachen. Zu Lëtzebuerg wäert d’Konkurrenzautoritéit kontrolléieren, ob déi concernéiert Entreprisen sech un déi nei Mesuren halen.
Déi nei Reglementéierung viséiert an éischter Linn déi sougenannt intermediär Servicer. Dat si Plattformen, op déi Utilisateuren hiren eegene Contenu eropluede kënnen, wéi zum Beispill Athome.lu. Zu Lëtzebuerg sinn am ganze ronn 240 Plattforme vun der neier Reglementéierung betraff, déi 17. Februar a Kraaft trëtt.
