Si sollen dobäi hir Iddien a Visioune fir d’Zukunft vun de Vereenten Natioune presentéieren.
Michelle Bachelet a Rafael Grossi ënnert de Kandidate
Ënnert de Kandidaten ass déi fréier chileenesch Presidentin Michelle Bachelet. Och de Rafael Grossi, Generaldirekter vun der International Atomic Energy Agency, kandidéiert fir de Posten.
Bis elo gëtt et kee klore Favorit am Rennen ëm d’Nofolleg vum aktuelle Generalsekretär.
Sécherheetsrot stëmmt hannert zouenen Dieren of
Den 30. Juli stëmmt de Sécherheetsrot fir d’éischt iwwer d’Kandidaturen of. D’Ofstëmmung ass am huis clos.
Fir gewielt ze ginn, brauch d’Kandidatin oder de Kandidat op d’mannst néng Stëmmen. Ausserdeem däerf kee vun de fënnef permanente Membere vum Sécherheetsrot e Veto aleeën.
Déi nei Persoun un der Spëtzt vun de Vereenten Natioune soll den 1. Januar 2027 hir Aarbecht ophuelen.
