Nach virum Summer soll eng nohalteg Léisung fonnt ginn an den Diskussiounen ëm eng nei Konventioun tëschent dem Staat an dem TICE, dem ëffentlechen Transportreseau an de Südgemengen. Dat sot d’Mobilitéitsministerin Yuriko Backes an der Chamber.
D’Chamber huet gëschter um Donneschdeg och nach gréng Luucht gi fir d’Konventioun tëschent dem Staat an den CFL fir de Passagéiertransport iwwer de Busservice. Tëschent 2025 an 2034 wäert de Staat ronn 692 Milliounen Euro bezuelen, ënner anerem fir Diesel-Gefierer duerch Elektro-Busser ze ersetzen.
