D‘Hëllef sollten awer och méi sozial selektiv ginn, fuerdert de Mouvement. Vun engem gewësse Kafpräis un, dat heescht, fir Autoen, déi éischter an der Luxuskategorie leien, sollt ee Keefer net méi ënnerstëtzt ginn, sou de Mouvement. Eng Persoun, déi sech en Auto vu 60.000 Euro ka leeschten, kéint dat och ouni Hëllef, sou d'Argumentatioun.
Malus-System gëtt gefuerdert
Donieft fuerdert de Mouvement och e Malus-System, wéi et e schonn zum Beispill a Frankräich, Holland an an der Belsch gëtt. Fir nei Autoe mat héijen Emissiounswäerter muss méi bezuelt ginn.
Och déi verstoppte Subventioune fir d‘Leasingsautoe missten iwwerduecht ginn. Do géif de Staat zeg Milliounen investéieren. An Zukunft sollen nëmmen nach Elektroautoen, an och do just nach besonnesch effizient E-Autoen, subventionéiert ginn.
