Gëschter Owend huet de Russesche President Wladimir Putin an enger Ried nom Attentat Uspillunge gemaach wéi wann d’Attentäter ee Lien gehat hätte mat der Ukrain. Et wieren all d’Auteure vun deem Attentat festgeholl ginn.
Datt d’Terrormiliz Islamesche Staat dat Attentat revendiquéiert huet, huet hien net ernimmt.
Den Ukrainesche President Wolodymyr Selenskyj huet all Versich vum Wladimir Putin fir d’Ukrain ze beschëllegen zeréckgewisen. Hien huet Moskau virgeworf, selwer Terror ze verbreeden.
Entretemps huet d’Terrormiliz Islamesche Staat d’Responsabilitéit fir d’Attentat iwwerholl. Ee Video, deen d'Täter solle mat enger Kamera gefilmt hunn, gouf iwwer Internet diffuséiert.
D’USA haten Informatiounen un d’Russe geliwwert fir si ze warnen, datt een Attentat geplangt wier, an datt virun allem Plaze viséiert wieren, wou Leit sech versammelen.
