D’Hëllefen am Kampf géint de Klimawiessel an den Accueil vu Flüchtlinge sinn an där Zomm net matabegraff. De Gros vun där Zomm 72 Prozent ginn an déi bilateral Projeten, 28 Prozent vun der Entwécklungshëllef fléissen an déi multilateral Hëllef.
Gréisser Changementer ginn et an der Sahelzon, wou nach weider mam Togo an dem Benin geschafft gëtt. Déi bilateral Hëllef mam Mali an dem Burkina Faso gëtt dëst Joer awer auslafe gelooss, wéinst de Militärputschen. D’Kooperatioun mam Niger ass schonn zënter 2022 dowéinst suspendéiert. D’Personal vun der Agence Luxdevelopment sinn zum Deel wéinst Sécherheetsproblemer entweder ofgezu ginn oder an de Groussstied transferéiert ginn, esou den Kooperatiounsminister Xavier Bettel.
Am Virfeld vun der Deklaratioun vum Kooperatiounsminister Xavier Bettel haut an der Chamber huet den den David Hoffmann vun der ASTM, wat hie sech vun der Rieds erhofft. Hie vertrëtt d'ASTM am Forum politique (FoPo) vum Cercle de coopération des ONG de développement.
Franz Fayot: Lëtzebuerg léist israeelesch Besatzungspolitik gewäerden
Den LSAP-Deputéierte Franz Fayot begréisst iwwerdeems vill Aspekter vum aktuelle Kooperatiounsminister Xavier Bettel senger Ried zur Entwécklungshëllef. Dat huet de fréiere sozialistesche Kooperatiounsminister de Mëttwochmëtteg an de Chamberdebatte kloer betount.
De Franz Fayot kritiséiert awer och, datt Lëtzebuerg palästinensesch Hëllefsorganisatiounen ënnerstëtzt a gläichzäiteg Israel gewäerde géif loossen. Et géif een als Lëtzebuerg, an och déi europäesch Partner sech net kloer géint déi israeelesch Besatzungspolitik a eng Unerkennung vum Staat Palästina äusseren, sou de Franz Fayot.
Ausso vum Franz Fayot
